અન્ના કા ફંડા કરપ્શન વિહોણું ભારત.

Anna Hazare on Fast unto Death
Image by ramesh_lalwani via Flickr
            અન્ના કા ફંડા કરપ્શન વિહોણું ભારત.
            અન્નાનું અંદોલન જોર પકડી રહ્યું છે.દસ દિવસના ઉપવાસ થઈ ગયા.તમામ પક્ષના નપ્તાઓની મીટિંગ પણ થઈ ચૂકી છે.એક પણ નેતાને જનલોકપાલ બીલ પાસ થાય તેમાં રસ નથી.કેમ?કે પછી જ્યારે એ સત્તા ઉપર આવે તો એની બકરી ડબ્બામાં પુરાઈ જાય,તે પોતે ભ્રષ્ટાચાર કરી રૂપિયા ભેગાં કરી શકે નહિ.એક પણ પક્ષના નેતાને વખાણવા જેવો નથી.ભ્રષ્ટાચારનાં મુદ્દે તમામ એકજુટ,એકસંપ છે.ભાજપા હોય કે સમાજવાદી કે કૉંગ્રેસ,ગાંધી વૈદ્યનું સહિયારું ચાલે છે અહી.આ દેશમાં નેતાઓ શા માટે ચૂંટણી લડે છે?દેશની સેવા કરવા?દેશના લોકોની સેવા કરવા?દેશની પ્રગતિ થાય તેવા કામો કરવા?નાં ભાઈ નાં!અહી ચૂંટણી લાદાય છે અને નેતા બનાય છે કે ચાન્સ મળતા ભ્રષ્ટાચાર કરીને કરપ્શન કરીને રૂપિયા ભેગાં કરાય.અહી કોઈને દેશની પ્રગતિમાં રસ નથી કે સેવા કરવામાં રસ નથી.એક પક્ષમાં ચાન્સ નથી મળતો તો બીજા પક્ષમાં જોડાઈ જાવ.કોઈ વાર તો ઉપર આવવાનો ચાન્સ મળશે કે નહિ?એક નેતા બીજા નેતાને પછાડવાનો પ્રયત્ન સતત કરતો હોય છે કે તમે બહુ ખાઈ લીધું હવે અમને થોડું ખાવા દો.એક પક્ષ બીજા પક્ષને હરાવવા પ્રયત્ન કરતો હોય છે કે હવે અમને ચાન્સ આપો જેથી ભ્રષ્ટાચાર કરી અમે પણ રૂપિયા કમાઈ શકીએ.અમે પણ અમારી સાત પેઢી તરી જાય તેટલું ધન ભેગું કરી શકીએ.અહી આવો ચાન્સ નથી મળતો તેની લડાઈ છે.
    આ દેશની ન્યાયિક પ્રક્રિયા બહુ ઢીલી છે,મંદ ગતિએ ચાલતા કાચબા જેવી છે.બીજું આ દેશમાં સજા રૂપે મોત મળશે,ફાંસી મળશે તેવું તો છે જ નહિ.આ દેશમાં સજાનો કોઈ ભય જ નથી.ઊલટાનું જેલોમાં એશોઆરામ અને સલામતી મળતી હોય છે.જે ગુંડાને બહાર વિરોધીઓ તરફથી ઉપહારમાં ગોળીઓ છાતીમાં મળવાની શક્યતા વધી જાય ત્યારે તે કોઈપણ પ્રકારે જેલમાં જતો રહે છે.જેથી સરકાર કોઈ પણ ચાર્જ માંગ્યા સિવાય એનું રક્ષણ કરે.અને જેલમાં રહીને ભ્રષ્ટ પોલીસને રૂપિયા ખવડાવી મોબાઈલ દ્વારા પોતાનું સામ્રાજ્ય લહેરથી મેનેજ કરતા જ હોય છે.વળી નેતાઓને તો ક્યાંથી કોઈ સજા થવાની?ઉલટાના એતો વધુ લહેર કરવાના.અહી ખૂનીઓને અનેક નિર્દોષ લોકોને મારી નાખનારા ત્રાસવાદીઓને સજા થતી નથી તો આર્થિક કૌભાંડો કરનારાઓને તો ક્યાંથી સજા થવાની?આજ સુધી કોને એવી સજા થઈ છે?લોકશાહીનો પ્રથમ નિયમ,પ્રજાની યાદદાસ્ત બહુ ટૂંકી હોય છે.જે ભ્રષ્ટ્ના લોકો પૂતળા બાળી ચૂક્યાં હોય,તેને જ વર્ષો પછી ચૂંટીને માથે બેસાડતી હોય છે.
    આ દેશમાં પાસે અઢળક રૂપિયા હોય તો કશું પણ કરી શકો છો.ન્યાયાધીશોને ખરીદી સજા હળવી કે માફ કરી શકો છો.વર્ષો સુધી કોર્ટમાં કેસ ચાલ્યા કરશે,કોઈ ચુકાદો આવશે જ નહિ અને આરામથી જામીન ઉપર છૂટીને લહેર કરો.આશરે ૫૦ વર્ષનો કોઈ નેતા ભ્રષ્ટાચાર કરે ખૂબ રૂપિયા કમાય,ભલે જેલમાં જાય પણ એનો કેસ ત્રીસ વર્ષ ચાલી શકે તે દરમ્યાન જામીન ઉપર છૂટી ૫૦+૩૦ એમ ૮૦ વર્ષ કાઢી નાખવાનો.૮૦ વર્ષ જીવ્યા તો ઠીક બાકી?રૂપિયા ખવડાવી કેસ લંબાવી શકાય છે.અહી વકીલ અને જજનું સહિયારું ચાલતું જ હોય છે.
    કોઈ આવેશમાં આવીને કોઈનું ખૂન કરી નાખે તો બે ફૅમિલીને નુકશાન થતું હોય છે,આખા સમાજને નહિ.પણ કોઈ આર્થિક કૌભાંડો કરીને બેંકો ઉઠાડી દે,કે પછી ભ્રષ્ટાચાર કરી કરોડો ભેગાં કરી લે તો આખા સમાજને આખા દેશને,લાખો કરોડોને નુકશાન થતું હોય છે.આખા સમાજને ભયરૂપ લોકોને અતિ કડક સજા થવી જોઈએ.આખા સમાજના સર્વાઈવલ માટે ભયરૂપ લોકોને ફાંસી જ થવી જોઈએ.જેમ સીરીયલ કીલર સમાજના સર્વાઈવલ માટે ભયજનક હોય છે તો એને ફાંસી થતી હોય છે.પણ સીરીયલ કીલર બહુ બહુ તો બેચાર,ચાલીસ પચાસને મારી શકે.પણ આવા આર્થિક કૌભાંડ કરનારા તો લાખો કરોડોને રિબાવી રિબાવી ગરીબ બનાવી ભૂખે મારતા હોય છે.અહી સીધું મોત દેખાતું નથી અને તેથી આવા લોકોને સજા મોતની મળતી નથી.
   કેતન પારેખ અને રમેશ પારેખે લાખો લોકોના પૈસા ઓળવી લીધા.ગરીબ વિધવાઓની બચત ઓળવી લીધી.લોકો લોહીના આંસુ રડતા હતા.ગુજરાતની મોટાભાગની સહકારી બેંકો આ બે જણાએ ઉઠાડી મૂકી.આ લોકોને ફાંસી થવી જોઈએ એના બદલે આ લોકો આજે શું કરે છે?જેલમાં હશે તો લહેર કરતા હશે અથવા જામીન ઉપર છૂટીને લહેર કરતા હશે.આવા તો અનેક અસંખ્ય આ દેશમાં છે.રાજુ અને કલમાડી જેલમાં જલસા જ કરતા હશે.વર્ષો લાગી એમના કેસ ચાલશે.પછી લોકો ભૂલી જશે.એમના છોકરા વિદેશોમાં ભણતા હશે.ત્યાંના નાગરિક બની જશે.નેતાઓને ખબર છે અહી સજા રૂપે મોત મળવાનું જ નથી.એમને કોઈ ભય હોતો જ નથી.પ્રજાની યાદદાસ્ત જુઓ લગભગ હવે તો બધાને ખબર છે કે બોસ્ટન એરપોર્ટ ઉપર રાહુલ ગાંધી ૧,૬૦,૦૦૦$ સાથે પકડાયો હતો.પણ લોકો ભૂલી જવાના,અરે ભૂલી જ ગયા છે ઉલટાના વડાપ્રધાન માટે પ્રમોટ કરતા હોય છે.
    અહી જાણે મારા માટે ભ્રષ્ટાચાર ખરાબ વસ્તુ છે કેમકે મને ભ્રષ્ટાચાર કરવા મળતો નથી.મને ચાન્સ મળતો નથી માટે ભ્રષ્ટાચાર ખરાબ છે,બાકી નહિ.દરેકનું આ દેશમાં આવું જ છે.અન્ના જેવા જુજ લોકોમાટે સાચે જ ભ્રષ્ટાચાર ખરાબ છે.સામાન્ય જનતા હવે ત્રાસી ગઈ છે કે મોંઘવારી ખૂબ વધી ગઈ છે.ગરીબીની રેખા નીચે જીવવું પણ દોહ્યલું થઈ ચૂક્યું છે.સામાન્ય જનતા પણ નાનામોટા ભ્રષ્ટાચાર તો કરી જ લે છે કે મજબૂરીથી સાથ આપવો પડતો હોય છે.કારણ મોટા ભાગની સરકારી તંત્રમાં ઉપરના પૈસા લીધા વગર કામ થતું નથી.અહી ૧૦૦ ગ્રામ પેંડા,એક નાળિયેર કે સવાશેર સુખડીમાં ભગવાનને પણ ખરીદાય છે ત્યાં ભ્રષ્ટાચાર સદંતર નાબૂદ થવો શક્ય નથી.પહેલા હજારોમાં કરપ્શન થતું હતું,પછી લાખોમાં(૫,૨૫ લાખ),પછી કરોડોમાં૧૦૦,૨૦૦ કરોડ).હવે લાખ કરોડની(૧૦૦૦૦૦,૨૦૦૦૦૦ કરોડ) પણ ગણતરી રહી નથી.ભારતે પ્રગતિ ખૂબ કરી છે ભ્રષ્ટાચાર કરવામાં.અહિંસક ક્રાંતિથી અહી કશું વળવાનું નથી.બહુ બહુ તો થોડા નેતાઓ જેલમાં જશે,ન્યાયિક પ્રક્રિયા બહુ લાંબી ચાલશે,પછી લોકો ભૂલી જશે કાયમની જેમ.આ દેશને એક ફ્રાન્સમાં થયેલી તેવી લોહીયાળ ક્રાંતિની જરૂર છે.ભ્રષ્ટ નેતાઓને ફાંસી થવી જોઈએ.અબજો વર્ષના સંસ્કાર જિન્સમાં મળેલા છે કે મેમલ બ્રેઇનને જ્યાં સુધી મોતનો ભય હોય ત્યાં સુધી જ સીધું ચાલતું હોય છે,બાકી નહિ.
      ભગવાનમાં માનવું હોય તો માનો પણ પ્રતિજ્ઞા લો કે આજથી એની આગળ નાળિયેર નહિ વધેરીયે તો આજે નહિ તો કાલે ભારત ભ્રષ્ટાચાર મુક્ત,કરપ્શન મુક્ત બની શકશે બાકી નહિ.
Advertisements

14 thoughts on “અન્ના કા ફંડા કરપ્શન વિહોણું ભારત.

  1. ફેસબુક મિત્ર અને ફ્રીલાન્સ જર્નાલિસ્ટ શ્રી કિન્નર આચાર્ય એ થોડી નવી ગાળો શોધી કાઢી છે,વાંચો નીચે.

    ગઈકાલે “ઓલ પાર્ટી મિટિંગ”માં ભાજપ સહીત તમામ વિરોધ પક્ષોએ કોંગ્રેસ સાથે કુલડીમાં ગોળ ભાંગ્યો એ પછી કેટલીક નવી ગાળો સુઝે છે:

    *કોઈ બહુ ભ્રષ્ટ હોય તો કહેવાનું: “તારા કરતા તો કલમાડી સારો”,
    *કોઈ ચોર હોય તો: “તું તો રાહુલ જેવો પાક્યો”
    *લુચ્ચી અને મીંઢી બાઈ જુઓ તો: “સોનિયાએ બટકું ભર્યું છે કે શું?”
    *ચોરનો ભાગીદાર ભાળો તો: “તું તો ભાઈ, અસ્સલ અડવાણી હોં!”
    *આ બધાના પાપ જાણતી હોવા છતાં તેનો પર્દાફાશ કરવાને બદલે
    પાર્ટનરશિપ કરતી બાઈને જોઈએ તો: “છપ્પરપગી.. તે તો સુષ્માને પણ સારી કહેવડાવી!”
    *ઘરનો નોકર હોય, અક્કલ ના હોય પરંતુ બેઈમાન હોય અને સૂઝ ઓછી હોય, દરેક કામમાં લોચા મારતો હોય તો: “ડફોળ, તું તો માણસ છે કે મનમોહન!”

    Like

  2. લોકપાલ બીલ ની સાથે એવું એક બીલ એડ કરવાની જરૂર છે કે પોલિટિક્સ ના સહારે જેણે નેતા બનવું હોઈ તેઓએ પહેલા સરહદ ઉપર મોરચા મા આગળ જઈ દેશ માટે કઈ કરી બતાવ્યું હોઈ જેમના પરિવાર માંથી કોઈ સભ્યોએ બલિદાન આપ્યું હોઈ આ બધું પ્રૂફ હોઈં તોજ ટીકીટ આપવી , અને તેઓ ચુંટાય પછી ફક્ત દેશ માટે કુરબાની આપી હોઈ ફક્ત ધોત્યું લેવા માટેજ પૈસ્સા હોઈ તેજ પોલિટિક્સ મા રહે

    Like

  3. ભગવાનમાં માનવું હોય તો માનો પણ પ્રતિજ્ઞા લો કે આજથી એની આગળ નાળિયેર નહિ વધેરીયે તો આજે નહિ તો કાલે ભારત ભ્રષ્ટાચાર મુક્ત,કરપ્શન મુક્ત બની શકશે બાકી નહિ.
    TRUE AND EVERY ONE INDIAN MUST THINK ON THIS

    Like

  4. ગઈ કાલે શ્રી ઝા કે જેઓ અતિશયોક્તિ ન કરે તેમણે કહેલું કે આજનું અણ્ણાનું વક્તવ્ય મેં સાંભળેલા આઝાદી પછીનાં ભાષણોમાંનું ઉત્તમ ભાષણ હતું !

    આ વક્તવ્યમાં એક વાત સચોટ લાગી. અણ્ણાજીએ કહેલું, “મને તમે (મનમોહન) કહો છો કે, ઉપવાસ છોડો પણ તમે તો એક મૌન પણ છોડી શકતા નથી !!”

    આઝાદી માટે અને આઝાદી પછીનાં આંદોલનોમાં હિંસા થતી જ રહી છે. આજના આ આંદોલનમાં લાખ્ખો લોકોમાંથી કોઈએ હજી સુધી તો છમકલુંય કર્યું નથી કે થવા દીધું નથી. અત્યાર સુધી તો અણિશુદ્ધ રીતે અહિંસક રહ્યું છે.

    જોકે અણ્ણાજીને તો શંકા છે જ કે કોઈ રસ્તો આ લોકો પાસે નહીં રહે ત્યારે હીંસા ભડકાવીને અણ્ણાજીને બદનામ કરવામાં આવે કદાચ.

    Like

  5. ભગવાનમાં માનવું હોય તો માનો પણ પ્રતિજ્ઞા લો કે આજથી એની આગળ નાળિયેર નહિ વધેરીયે તો આજે નહિ તો કાલે ભારત ભ્રષ્ટાચાર મુક્ત,કરપ્શન મુક્ત બની શકશે બાકી નહિ

    Very True.

    Like

  6. To kill the Message, paint the Messanger as the Fraud !
    This is the tectic the Ruling Leadership is using.
    The Opposition Parties are giving the Luke Warm Support pointing their fingers at the Ruling Congress,but fearing the Lokpal.
    SO….it is now left to the General Public to fight against the present Political Tantra with lots of money.
    Hoping this Fight at the Grass Root continues…or else the “status Quo” will remain.
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Inviting all to Chandrapukar !

    Like

  7. શ્રી.બાપુ,
    આ નાળિયેર વાળી વાત અગાઉ આપની પાસેથી સાંભળી જ છે અને ત્યારથી બહુ ગમી પણ છે તેથી તેનો પ્રચાર પણ કરતો ફરૂં છું. એકદમ પાયાની વાત છે. કરપ્શનની શરૂઆત અહીંથી જ થાય છે. જો કે ભારતમાં ફ્રાન્સ જેવી કે અન્ય કોઈ દેશ જેવી રક્તરંજીત ક્રાંતિ થવા બાબતે હું સહમત નહીં થાઉં, ભારતમાં ભારત જેવી ક્રાંતિ થવી જોઈએ ! (સમય અને સ્થળની સ્થિતિઓ પ્રમાણે એક ઘટના બીજે ફીટ બેસે તે જરૂરી નથી.) હમણાંજ અણ્ણાજીએ બતાવી આપ્યું કે આજે પણ આ દેશમાં, બાર બાર દિવસ સુધી લાખો લોકો એકઠ્ઠા મળે અને છતાં એક પાંદડું પણ ન તુટે એવું બની શકે ! આ અહિંસાની ઠંડી તાકાત છે, જે ભાગ્યે જ અન્ય કોઈ સમજી શક્યું છે. આને ડરપોકપણું માનવાની ભૂલ કરવા જેવું નથી ! ભરેલી બંદૂક સામે ડગ્યા વીના ઊભા રહેવા માટે ગજબનો આત્મવિશ્વાસ અને નિડરતા જોઈએ. આ પણ ક્રાંતિનો પ્રકાર જ છે, માત્ર લોહિયાળ ક્રાંતિ એટલે જ ક્રાંતિ એમ માનવું એ ક્રાંતિ વિષયક અધૂરી માહિતી ગણાય. આ માટે બ્રિટનની ક્રાંતિનો ઈતિહાસ અભ્યાસ કરવા જેવો છે.
    સુંદર અને વિચારપ્રદ લેખ. આભાર.

    Like

    1. ભાઈ આપની તમામ વાતો સાથે સંમત છું,પણ એક જ મુદ્દો એ છે કે ભારતમાં ભ્રષ્ટાચારીઓને કોઈ ભય હોતો નથી કે એમને કોઈ સજા થશે,એમાંય મોતની સજા તો થવાની જ નથી,કેમકે હત્યારા ત્રાસવાદીઓ જ્યાં જલસા કરતા હોય ત્યાં નેતાઓને કોણ હાથ લગાવવાનું?અને મારું માનવું છે કે આખા સમાજના સર્વાઈવલ માટે ભયરૂપ હોય તેને કૃષ્ણે આતતાયી કહ્યા છે એવા લોકોને મોત જ મળવું જોઈએ.૧૫૦૦ બિલિયન ડોલર્સ સ્વીસ બેન્કોમાં મુકીને આ ભ્રષ્ટ લોકો આખા દેશના સર્વાઈવલ માટે ભયજનક બન્યા છે.હવે ન્યાયતંત્ર આપણું કેટલું સજા આપવા સક્ષમ છે તે આપણે જાણીએ છીએ.તો સજા કોણ કરશે?માટે રક્તરંજિત ક્રાંતિ થવી જોઈએ.મેમલ બ્રેઇનનો સવાલ છે ભાઈ.

      Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s