સેન્સ ઑફ હ્યુમર,Mating intelligence.(Hard Truths About Human Nature)

Senses
Image by kk+ via Flickr

 સેન્સ ઑફ હ્યુમર,Mating intelligence.(Hard Truths About Human Nature)        
       તમે કોઈને એમની હ્યુમર સેન્સ વિષે સવાલ પૂછશો તો ૯૦ ટકા એવું કહેવાના કે એમની પાસે સારી રમૂજ વૃત્તિ છે,અને બાકીનાને પ્રશ્ન પલ્લે નહિ પડે.વૈજ્ઞાનિકો જુદા જુદા ખૂણેથી અને જુદા જુદા ક્ષેત્ર ધ્યાનમાં લઈને હ્યુમર સેન્સ વિષે અભ્યાસ કરતા હોય છે.પણ હવે ઉત્ક્રાન્તિના કયા મૂળિયા હ્યુમર સેન્સને વળગ્યા છે તે શોધવાનું શરુ થયું છે  આપણી વર્તણૂક લાખો કરોડો વર્ષોના ઉત્ક્રાંતિનાં કાલનાં અનુસંધાનમાં ઘડાઈ હોય છે.એના ફાયદા સર્વાઈવ થવામાં અને વંશવેલો વધારવામાં ઉપયોગી હોય છે,જરૂરી નથી કે તે ફાયદો આજે થતો હોય.દાખલા તરીકે લાખો વર્ષે આપણી મનોવૃત્તિ એવી ઘડાઈ હોય કે રીચ ફૂડ ખાવું.જે પુષ્કળ પ્રોટીન,ચરબી અને બીજા પોષણ મૂલ્યોથી ભરપૂર હોય,કારણ ખોરાક મેળવવો તે અઘરું કામ હતું.તો  જેમ બને તેમ ખુબજ પૌષ્ટિક ખાવું જેથી ખોરાક ના મળે તો સર્વાઈવ થઈ જવાય.પણ હાલ ખોરાક મેળવવાની હાડમારી ના હોય છતાં લાખો વર્ષના ઉત્ક્રાન્તિના મૂળ પૌષ્ટિક ખાવા તરફ દોરતા હોય છે એના કારણે આજે લોકો ચરબીથી લથપથ અને ઓબેસિટી વડે પીડાતા હોય છે.એક સમયે ચાર્વાક કહેતા કે દેવું કરીને પણ ઘી પીવો.કેમકે તે સમયે ઘી પીવું જરૂરી હતું.આજે ઘી પીવાની મુદ્દલ જરૂરિયાત નથી.પણ લોકો ઘી ખાધે જ જવાના.ભલે હાર્ટ ઍટેક આવે. 
      હ્યુમર સેન્સ સ્ત્રી પુરુષની જોડી બનાવવામાં કેવી રીતે ભાગ ભજવે છે તેનો અભ્યાસ હાલ થઈ રહ્યો છે.સ્ત્રી પુરુષની જોડી બનવામાં અનેક પરિબળ ભાગ ભજવે છે તે મારા નિયમિત વાચકો જાણે જ છે.સામાજિક પ્રસંગોપાત બધા ભેગાં થાય ત્યારે પણ સારી રમૂજ વૃત્તિ ધરાવતા લોકો મેદાન મારી જતા હોય છે,ધ્યાનપાત્ર બની જતા હોય છે.પુરુષ અને સ્ત્રી જોડી બનાવવા માટે જુદાજુદા પરિબળો ધ્યાનમાં લેતા હોય છે.બંનેના પરિબળો જુદા જુદા હોય છે.કારણ સ્ત્રી માટે વંશવેલો આગળ વધારવો બહુ કિંમત માંગતો હોય છે પુરુષની સરખામણીએ.સ્ત્રી બહુ ઓછી સગવડ ધરાવતી હોય છે જેવું કે એક સમયે એક બાળક ઉછેરી શકે ગર્ભમાં.અપવાદ હોય તે ધ્યાનમાં લેવા નહિ.બાળક જન્મ્યા પછી તરત એને પોષણ આપવાની જવાબદારી,મોટું કરવાની જવાબદારી એને સાચવવાની જવાબદારી મોટા ભાગે સ્ત્રીની હોય છે.બીજું સ્ત્રી જન્મે ત્યારથી જ અંડ(એગ્સ)નો જથ્થો લઈને જન્મે છે.એના અંડ લીમીટેડ હોય છે.પુરુષ માટે કોઈ સવાલ નથી,અબજો સ્પર્મ કાયમ ઉત્પન્ન થયા કરતા હોય છે.માટે સ્ત્રી બહુ કડક હોય છે પુરુષની પસંદગી બાબતે.એને પાલવે જ નહિ.લગ્ન વ્યવસ્થાએ આ શ્રેષ્ઠતાની પસંદગી હવે રહેવા નથી દીધી તે વાત જુદી છે.
       સ્ત્રી ઇચ્છતી હોય કે એનો જોડીદાર વંશવેલો સાચવવામાં મદદરૂપ થવો જોઈએ.માટે હાઈ સ્ટેટ્સ ધરાવતા પુરુષો પહેલી પસંદગી બની જતા હોય છે દરેક સમાજમાં.પણ હાઈ સ્ટેટ્સ સાથે બુદ્ધિ પણ જરૂરી બની જતી હોય છે.એકલું હાઈ સ્ટેટ્સ કામ ના લાગે.બુદ્ધિશાળી પુરુષો સંપદા પેદા કરવામાં અને હાઈ સ્ટેટ્સ ઊભું કરવામાં માટે વધુ કાબેલ હોય તે સ્વાભાવિક છે.જૂની શિકાર પ્રધાન પ્રજામાં પણ બુદ્ધિશાળી હોય તે વધુ જરૂરનું હતું.શિકાર કરવો પણ બુદ્ધિ માંગી લેતું કામ હોય છે.સારો શિકારી તેજ બની શકે જે વધુ બુદ્ધિશાળી હોય.
   કશું હાસ્ય ઉપજાવે તેવું બોલવું તે બુદ્ધિનું ઊંચું લેવલ બતાવતું હોય છે.તમે હજારો ટુચકા ગોખીને પોતાને બુદ્ધિશાળી ના બતાવી શકો.એનાથી તમારી પાસે બહુ સારી સેન્સ ઑફ હ્યુમર છે તેવું સાબિત ના કરી શકો.હ્યુમર સેન્સ અલગ વસ્તુ છે,એના માટે યોગ્ય સમય,યોગ્ય માણસો વચ્ચે  અને યોગ્ય પ્રસંગે તમે ઝડપથી કેવું ચબરાકિયું વાપરો છો લોકોને હસવા માટે મજબૂર કરી શકો તે ધ્યાનમાં લેવું જરૂરી છે.આમ હ્યુમર વ્યક્તિઓ વચ્ચે વહેંચાતી હોય છે જેને માટે જરૂરી છે ઉચ્ચ લાગણીઓ,સામાજિક સબંધો અને મેટિંગ ઈન્ટેલીજન્સ.સેન્સ ઑફ હ્યુમર એ ઉચ્ચ બુદ્ધિ પ્રતિભાનું એક ઈન્ડીકેટર છે.માનવ જાતની ઘણી બધી સ્પેશીયલ ક્ષમતાઓ જેવી કે ભાષા,ક્રિયેટીવીટી,આર્ટ,મ્યુઝિક અને હ્યુમર એ એની બુદ્ધિના તણખા હોય છે જે બતાવે છે કે આ માણસ બુદ્ધિશાળી છે.આ બધી ક્ષમતાઓ કોઈ ખોટી ઊભી કરી ના શકે.જેને ચિત્ર દોરતા ના આવડે તે ના જ આવડે.આમાં જૂઠ ચાલવાનું નથી.આ બધી ક્ષમતાઓ સેક્સુઅલી એટ્રેક્ટીવ હોય છે.આ બધી ક્ષમતાઓ આ લોકો સારા જિન્સ ધરાવે છે તેવું પણ ઈન્ડીકેટ કરતા હોય છે.
      એક સર્વે એવો છે કે સ્ત્રીઓને જે પુરુષોએ સારી રીતે હસાવી હોય તેઓને ડેટ માટે જલદી આમંત્રણ મળ્યું હોય છે.થોડા વર્ષો પહેલા Eric Bressler, Sigal Balshine and Rod Martin નામના વૈજ્ઞાનિકોએ એવું શોધી કાઢ્યું હતું કે સ્ત્રીઓ એમને હસાવે તેવો પુરુષ પસંદ કરતી હોય છે અને પુરુષો એમની વાતો ઉપર ખૂબ હસે તેવી સ્ત્રીઓ પસંદ કરતા હોય છે.એટલે મેટ ક્વોલીટી માટે હ્યુમર ખાસ જરૂરિયાત છે.સામાન્ય વાતચીતમાં પુરુષોની  રમુજભરી વાતોમાં મોટેથી કે હળવા સ્માઈલ આપવાનું કામ વધારે કરતી હોય છે.સ્ત્રીઓ સેન્સ ઑફ હ્યુમર બુદ્ધિના ઈન્ડીકેટર તરીકે જોતી હોય છે.
    આમ સારી સેન્સ ઑફ હ્યુમર સ્ત્રીઓના હૃદય સુધી પહોચવાનો એક રાજમાર્ગ છે.જેવી રીતે પુરુષોના હૃદય સુધી પહોચવાનો રસ્તો વાયા પેટ છે.

Advertisements

18 thoughts on “સેન્સ ઑફ હ્યુમર,Mating intelligence.(Hard Truths About Human Nature)

    1. ‘Look!Hard Truths About Human Nature’,આં ટાયટલ સાથે લખાયેલા તમામ લેખો ઈવોલ્યુશનરી સાયન્સ કે બાયોલોજી અને ઈવોલ્યુશનરી સાયકોલોજી અંતર્ગત લખાયેલા છે.નવો સબ્જેક્ટ છે,જલ્દી એમ કોઈને ગળે ઉતરે તેવો નથી.પણ ઉત્ક્રાંતિના ક્રમમાં આપણા પૂર્વજો આદીમાનવો પાસેથી આપણને જિન્સમાં શું શું મળ્યું છે તે જણાવતો આ વિષય છે.મેં ઘણા બધા લેખો લખ્યા છે આપ વાચી જશો તેવી વિનંતી.

      Like

    1. Humor sense નો અર્થ તો મને પણ ખબર નથી.પણ Humour એટલે- હ્યૂમર, મનોદશા, મરજી, તબિયત, મનોવૃત્તિ, હાસ્યાસ્પદ વસ્તુ જોવાની શક્તિ વિનોદવૃત્તિ, રમૂજી, હાસ્યજનકતા, શરીરમાંના ચાર રસો કે ધાતુઓમાંનો કોઈ એક, સંતુષ્ટ કરવું, –ની મરજી સાચવવી.આવું બધું ડીક્શનેરીમાં છે.થેન્ક્સ.

      Like

  1. આમ સારી સેન્સ ઑફ હ્યુમર સ્ત્રીઓના હૃદય સુધી પહોચવાનો એક રાજમાર્ગ છે.જેવી રીતે પુરુષોના હૃદય સુધી પહોચવાનો રસ્તો વાયા પેટ છે.

    — એકદમ સાચી વાત.

    Like

  2. કોઇ આ લેખ શ્રીમતિ ભુપેન્દ્રસિંહજી રાઓલને ધ્યાને લાવો 🙂
    તેઓ પાણી પહેલાં પાળ બાંધી શકે તે માટે !!

    અને ’પુરુષોના હૃદય સુધી પહોચવાનો રસ્તો..’ વાળું વાક્ય શ્રીમતિ અશોક મોઢવાડીયાને ધ્યાને લાવો 🙂 (સસલાજી સાંભળો છો ???)

    મસ્ત લેખ બાપુ, બહુ સરસ અને નાવિન્યસભર માહિતીઓ મળી. જો કે સાચી માનવી કે ખોટી તે તો કોઇ અનુભવી જ જણાવી શકે !! આભાર.

    Like

    1. અમારા શ્રીમતીજી અમારો બ્લોગ વાચતાં નથી માટે તો આવું બધું લખી શકું છું.બાકી લખાય ખરું?સસલાજીએ એમની ફરજ નિષ્ઠા પૂર્વક બજાવવી જોઈએ.
      બીજું “Look!Hard Truths About Human Nature.”શીર્ષક અંતર્ગત જે લેખો લખાય છે તે માનવા અઘરા પડે છે કેમકે મૂળ ભારતનો અભિગમ(આપનો નહિ) અવૈજ્ઞાનિક અને ઓર્થોડોક્સ અને ધાર્મિક પાખંડ થી ભરેલો અને ખાસ તો હિપોક્રસીથી ભરેલો હોય છે.એટલે ડાર્વિનના નિયમો સમજવા જ મન કબુલ કરતુ ના હોય ત્યાં આ તો એડવાન્સ ડાર્વિનવાદીઓ આ બધું લખતા હોય છે.હું ઈવોલ્યુશનરી સાયકોલોજી ઉપર લખું છું તે બધા સંશોધન કરનારા,બાયોલોજીસ્ટ,સાયકોલોજીસ્ટ,સાઈકિયાટ્રિસ્ટ અને ન્યુરોલોજીસ્ટ વૈજ્ઞાનિકો છે,તમામ પીએચડી થયેલા અને એમના ક્ષેત્રોમાં પ્રતિષ્ઠિત ગણાય છે.બીજું આપણે રોજિંદા વ્યવહારમાં જોઈ શકીએ છીએ કે બુદ્ધિશાળી પુરુષોની આગળ પાછળ મહિલાઓના ટોળાં ફરતા જ હોય છે.ચિત્રકારો,સંગીતકારો,કલાકારો,લેખકો કવિઓ વગેરેથી સ્ત્રીઓ પ્રભાવિત હોય જ છે.શા માટે?

      Like

      1. ગુરુજી,
        “સેન્સ ઑફ હ્યુમર” વૈજ્ઞાનિક અભિગમ આપ સરળ ભાષા માં સરસ રીતે સમજાવો છો, છતા “Look!Hard Truths About Human Nature.”શીર્ષક અંતર્ગત લખાયેલા લેખ થોડા જટિલ તો લાગે જ ! જે આપે શોધી કાઢયુ છે. એક દમ બરાબર લાગે છે.
        [અમારા શ્રીમતીજી અમારો બ્લોગ વાંચતાં નથી માટે તો આવું બધું લખી શકું છું.બાકી લખાય ખરું?સસલાજીએ એમની ફરજ નિષ્ઠા પૂર્વક બજાવવી જોઈએ.-copy pest કર્યું છે]
        ગુરુજી ૯૯% બ્લોગર્સ ના શ્રીમતિજી બ્લોગ વાંચતા નહી હોય! તો જ બધા આટલી હિંમત પૂર્વક અને ઊંચા સુરે[શબ્દોએ] લખી શકે છે.[આ મારી ધારણા છે] અને
        કોઈ ક જગ્યાતો જોઈએ ને બળાપા કાઢવા માટે જો શ્રીમતિજી બ્લોગ પર પણ કબજો જમાવશે તો મારા જેવા બ્લોગર્સ જે બે શબ્દો બોલવાની[લખવાની] હિંમત કરે છે તે ક્યાં જશે !? ઘર માં તો કોઈ સાંભળતું નથી, “સેન્સ ઑફ હ્યુમર”
        વાઘ”જી” “સસલાજી” જો નિષ્ઠા પૂર્વક ફરજ બજાવશે તો વાઘ ને “બોડ” ને બદલે “HOTEL”શોધવી પડશે,”આ પચ્ચીસ પચ્ચીસ વરહએ થી શું રોટલા ને બદલે તારુ માથુ પીટુ શું ?” તરત કહેશે.

        Like

          1. અરે બાપુ, એ નથી શોધતા એ તો વાંધો છે, અમે પણ કહીએ છીએ કે હવે કોક પીઝા પાસ્તા વાળી લાવો તો અમને ખાવા મળે અને મમ્મીને એટલું કામ ઓછું, પણ ક્યાં માને???

            પાછું વધારે કહીએ ને મારી પાછળ પડી જાય તો મારે લોચા પડે, મારે હજુ પાંજરામાં નથી પુરાવું, વાઘનું બચ્ચુ તો આઝાદ જ સારું 🙂

            શું કહો છો???

            Like

            1. હમણા સ્વતંત્રતા ભોગવી લો પછી ગુલામીની બેડીઓ હસ્તમેળાપ કરાવીને બાંધી દેવાના જ છે.હસ્તમેળાપની વિધિ ખરેખર તો હાથકડીની વિધિ છે.બાપને માં જોડે માર ખવડાવે તેવો છે હો કે!!

              Like

              1. ઓ..હો..હો !! શું મારી ખીંચાઇ કરાઇ રહી છે !! હવે જો મારી પૂંછડી પર પગ મુક્યોને તો બટકું ભરીશ 🙂 અહીં બાપુએ સેન્સ ઓફ હ્યુમર પર ચર્ચા કરવાનું કહ્યું છે, નહીં કે સૌને પોતાની સેન્સ ઓફ હ્યુમર દર્શાવવાનું 😉

                Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s