હિલેરી હસી પડી
*એટલે સવારમાં શ્રીમતી પથારીમાંથી જાગ્યા ને કહે આ સમય સૂચક યંત્ર બગડ્યું લાગે છે. એની પોષણ લાકડી અંદરથી બદલી નાખજો. પહેલા તો હું ચમકી ગયો. સમય સૂચક યંત્ર તો સમજાય ગયું. પણ પોષણ લાકડી? તો કહે બુદ્ધુજ છો અંદરનો સેલ બદલો વરસ થઇ ગયું એટલે એની શક્તિ(ડીસ્ચાર્જ) પૂરી થઇ લાગે છે. મેં કહ્યું ઓ.કે. ..તો કહે ઓ.કે નહિ બરાબર બોલવાનું. આતો સપડાયા. એકદમ સાલું ભાષાંતર યાદ પણ ના આવે. આતો સારું છે ભાઈ શૈલેષના દેવડા ગામની મુલાકાત લઇ આવેલો. એટલે વળી થોડું યાદ આવી જાય.
એટલામાં બુમ પડી કે દાંતે ઘસવાની લુગદી ખલાસ થઇ ગઈ છે. મેં કહ્યું અંદર સ્નાનકક્ષ માં રહેલી લાકડાની પેટીમાં વધારાની છે. થોડી વધારાની દાંત સાફ કરવાની પીછીઓ પણ છે. સસ્તી મુકેલી તો જથ્થા બંધ લઇ આવેલો. અહી ન્યુ જર્સીમાં અત્યારે ફેબ્રુઆરીમાં પણ બરફવર્ષા થાય છે. આ શનિવારે તો વાવાઝોડા સાથે ચારેક ઇંચ બરફવર્ષા થવાની છે. દિવસે પણ તાપમાન શૂન્ય કે ઓછા બે કે ત્રણ અને રાત્રે તો ઓછા દસ સુધી ઘણીવાર પહોચી જાય છે. એટલે તો અહી દરેકના ઘરમાં ઘરને ઉષ્ણ રાખવા માટેના યંત્રો હોય છે, ને જળ નળમાં સીધું ઉષ્ણ થઈને આવે તેવા લાયબંબા પણ હોય છે. એટલે શિયાળામાં અમે બધું જથ્થાબંધ ભરી લઈએ. અહી કોસ્કો નામની મોટી દુકાન છે. ત્યાં થી અમે વાળ ધોવાનો પ્રવાહી સાબુ, શરીર ધોવાનો સાબુ, નાની મોટી પોષણ લાકડીઓ, થીજવેલા શાકભાજી, ફળો, દૂધ વિગેરે લઇ આવીએ. અહી જોકે ભારતીય દુકાનોનું મોટું બજાર છે. ત્યાં પણ પટેલ ભાઈઓ(પટેલ બ્રધર્સ), પટેલ રોકડા આપો ને ઉચકી જાવ(પટેલ કેશ એન્ડ કેરી) નામની મોટી દુકાનો છે. ત્યાં થી તમને તૈયાર રાંધેલા પણ થીજવેલા(ફ્રોજન) ખોરાકના પડીકા મળે. જાતજાતના પરોઠા, સમોશા, કચોરી, ભજીયા, પાતરા, રોટલીઓ, થેપલા, ઢેબરા, સરસ રીતે કાપેલા શાકભાજી બધું થીજવેલું મળે. આ બધું લાવીને વીજળીથી ચાલતી ખોરાક ઠંડો રાખવાની મોટી લાંબી પેટીમાં ભરી દેવાનું( ખોરાક પ્રદુષણ અટકાવ યંત્ર).
*મારા સુપુત્ર યુવરાજસિંહને ભારત જવાનું હતું. એમણે અમને અમેરિકામાં પ્રવેશ અને રહેણાંકનો સંમતિસૂચક પત્ર(વિસા)મળ્યો એ દિવસે જ, વડોદરામાં અંગ્રેજી વરસના છેલ્લો દિવસ હતો ત્યારે રાત્રે અકસ્માત કરેલો ને પગના નળાનો દ્વીભાગમાં અસ્થિભંગ કરેલો. એ જરા દ્રાક્ષાસવ વધારે લેવાઈ ગયો હશે ને દ્વિચક્રી વાહન ઉપર હતા ને સામે ચારચક્રી વાહન જોડે સંગમ કરી બેઠા. એટલે હાડકાના વૈધરાજે અંદર કાટ ના આવે તેવા લોખંડનો સળીયો નાખેલો. એ બહાર કઢાવવા જવાનું હતું ભારતમાં. અમે ભારતમાંથી પાછા આવે ત્યારે લાવવાની વસ્તુઓની યાદી તૈયાર કરેલી. એમાં મારા માટે ખમીશ(શર્ટ) પાયજામાં(પેન્ટ), અન્ગુછા, અંતરવસ્ત્રો, મારા ધર્મ પત્નીને પૂજા માટે ગાયત્રી માતાની તસ્વીર, ભાખરવડી ને ચવાણાના પડીકાઓ, ચરણપાદુકાઓ, વિગેરેની યાદી હતી. અહીંથી પણ ભારતમાં સ્નેહીઓ માટે મોકલવાની વસ્તુઓ હતી. એમાં ખાસ તો અહીની અત્તરની શીશીઓ, દાઢી કરવાની ભારે દબાણ પૂર્વક ભરેલા તૈયાર ફીણની બાટલીઓ, આધુનિક અસ્ત્રા(રેજર)અને કાંડા ઘડિયાળો વિગેરે હતું.
*એટલે જલ્દી તૈયાર થવા માટે હું ગયો સ્નાનઘરમાં ને અહી શ્રીમતી ઘુસ્યા રસોઈ ઘરમાં. વાયુ સગડી પર ચા ને અલ્પાહાર તૈયાર કરવા. ત્યાં સુધીમાં સુપુત્રે દ્રશ્ય શ્રાવ્ય યંત્ર માં હવામાન જોઈ લીધું. હવાઈ જહાજ સમયસર હતું એ પણ જોઈ લીધું. બધો સમાન લઈને વીજળીરથ(ઇલેક્ટ્રિક ટ્રેન)માં તો જવાય નહિ. એટલે અમારા ચાર ચક્રી વાહનમાં જ જવાનું હતું. પાછા ફરતા મારે વાહન ચાલક ની જવાબદારી નિભાવવાની હતી માટે પથદર્શક યંત્ર(નેવિગેશન) પણ લઇ લીધું હતું. બસ થોડીવારમાં તૈયાર થઇ અમે નીકળી પડ્યા ન્યુયોર્કના હવાઈ જહાજ ઉડાન મથક પર જવા માટે.
નોધ:-દેવડા ગામના ઓટલાની મુલાકાત એ આ લેખ લખવાની પ્રેરણા બની છે. માતૃભાષા પ્રત્યેના પ્રેમ સાથે હાસ્યરસ પીરસવાની ભાવના જ માત્ર છે.
* પોષણ લાકડી (વાહ! આ શબ્દ પ્રથમ વખત જ સાંભળ્યો!)
* પટેલ રોકડા આપો ને ઉચકી જાવ(પટેલ કેશ એન્ડ કેરી)
* ખોરાક પ્રદુષણ અટકાવ યંત્ર (ફ્રીજ ??)
* સંમતિસૂચક પત્ર(વિસા)
બાપુ, હવે હાસ્યનાં અતિરેકને કારણ ’ઉદરશુળ’ નો આરંભ થતો હોય તેવું લાગતા વિરમું છું
વાહ! મજા આવી ગઇ.”ભદ્રંભદ્ર” ની યાદ કરાવી દીધી.
shri ashokbhai,
હસવાથી થતા ઉદરશુલ થી આયુષ્ય ને આરોગ્ય બંને માં વધારો થાય.આભાર.
હા..હા..હા..ખરેખર મજા આવી ગઈ…..કાયમ જો આવા શબ્દો ઘર માં વાપરીયે તો કેવી જબરી કોમેડી ( મજાક ) થાય…….
અમેરિકન ભંદ્રભદ્રને મળી ઘણો જ હર્ષ થયો. ઘણા નવા શબ્દો છે એ મોકલી આપો લેક્સિકોનને.
હું વાર્તાઓ લખું છું અને એમાં બોલચાલની ભાષા, અમેરિકન બોલચાલની ભાષા ગુંગ્લીશનો ઉપયોગ કરૂં ત્યારે ઘણા મિત્રો કોમેન્ટ કરે કે આ કઈ ભાષા? કેવી ભાષા? પણ આપે તો શુધ્ધ ગુજરાતી લખીને રંગ રાખ્યો…
શ્રી નટવર ભાઈ,
આપ લોકો ના અભિપ્રાય તો મારો ખોરાક બને છે.આભાર.
મજા પડી.
અત્યારે તો વાતાવરણ એવું છે કે તમે બહુ ઉચ્ચ કક્ષાનું ગુજરાતી ન બોલો[એટલે કે અંગ્રેજી શબ્દોનું મારી મચરડીને ગુજરાતી ન કરો] ,પણ માત્ર પંદર કે વીસ વરસ પહેલાં વપરાતા હતા એ ગુજરાતી બોલચાલના શબ્દો વાપરો, તો પણ શુદ્ધ ગુજરાતી બોલનારા તરીકે અથવા તો ભદ્રંભદ્ર ભાષા બોલનારા તરીકે ગણાઈ જાઓ.
“આતો સજા સારા માણસ ને હાથે કરીને માંદો પાડી,પછી એને બચાવવા દવાખાને દાખલ કરો અને એની ખબર કાઢવા જાવ એવી વાત છે.મેં કહ્યું સાચી વાત છે.પણ રોફ પાડવા જઈએ તો આવું થાય જ.” … વાહ!
તમારું હાસ્યલેખન પણ અનોખું છે. [આ 'અનોખું ' લખવાને બદલે શું લખું તો મારો વટ પડે?]
બેટરી માટે “પોષણ લાકડી”નો પ્રયોગ ગમ્યો.
લેખ વાંચવાની મજા પડી.
shri vinaybhai,
આપ મિત્રોના અભિપ્રાયો મારી પોષણ લાકડી બને છે.ખુબ ખુબ આભાર.
શ્રી અતુલભાઈ,
ઘણા વખતે આપને ખડખડાટ હસાવ્યા એટલે મારું લખવું સફળ થયું.આભાર.
લાફીંગ કલબમાં જોડાયા તેમ લાગે છે. બધુ વાંચવા મઝા આવી.
રાજુલબેના,
એવું નથી,પણ પેલા ભુલાએલા સૈનિકો ની કથા પાંચ ભાગ માં વાંચીને બધા ખુબ રડ્યા હશે માટે એમના દુખ હળવા કરવા આવું લખવા માંડ્યું છે.
bahu saras lekh che mom ne tame dharam patni kaho cho bahu saru lagu
tamaro khub khub abhar
amaru gujarati nu gnayan vadhrva mate
સ્વાતી બેટા,
ગુજરાતી નું જ્ઞાન વધારવું હોય તો મારા લેખ વાચવા.ને પાછી મોમ ને ફોન પર બધું કહેતી ના.નહીતો મારે ઓસ્ટ્રેલીયા તમારા લોકો જોડે ભાગી આવવું પડશે.
This might be one of the best post you have posted.. really I’ve enjoyed it very much
Pingback: મારા પ્રતિભાવો – હસીને વાંચજો ને વાંચીને હસજો. (via “કુરુક્ષેત્ર”) | વાંચનયાત્રા
Pingback: મારા પ્રતિભાવો – હસીને વાંચજો ને વાંચીને હસજો. (via “કુરુક્ષેત્ર”) | વાંચનયાત્રા
આપ હાસ્ય વિષે લખી શકો છો,તે જાણી આશ્ર્વર્ય થયો…!
બાકી ભંદ્રભદ્ર ની યાદ આવી ગઈ.
વાહ ‘ભદ્રંભદ્ર’ બાપુ ! વાહ !! તમે તો દેવડા ગામના ઓટલાનો રંગ રાખ્યો !!! હસવાની મજા પડી !!!!
સરસ હળવો લેખ. મજા આવી. ગંભીરતાથી વિચારીએ તો આપણે સરળ ગુજરાતી શબ્દો માટે પણ અંગ્રેજી શબ્દોનો ઉપયોગ કરીએ છીએં? ‘પોષણ લાકડી’ કેવો સરસ શબ્દ! સાથોસાથ ભાષાને સમૃદ્ધ કરવા માટે અન્ય ભાષાના શબ્દો અપનાવવામાં પણ કાંઇ ખોટું નથી. અંગ્રેજી ભાશા પણ ક્યાં શુદ્ધ છે?
હા હા હા મસ્ત રાઓલજી
નાનપણ માં ભદ્રંભદ્રની વાતો વાંચતા એ યાદ આવી ગયુ
આપની આજ્ઞા હોય તો મારા બ્લોગ મોજેમોજ.કોમ માં મૂકી શકું ?